Siya ang nagunguna sa pangangampanya para sa Make Roads Safe (Gawing Ligtas ang mga Daan) mula pa noong 2008. Kabilang rin sa kaniyang pinangungunahan ay ang matagumpay na ‘Call for a Decade of Action’ sa mga kaganapan sa iba’t ibang dako ng mundo, at naglakbay para sa dokumentaryo na ‘Turning Point’ na ipinalabas sa buong mundo ng BBC noong 2009. Malaking bahagi din ang kaniyang ginampanan sa mahahalagang inisyatiba sa mga kampanya tulad ng FIA’s Action para sa Kaligtasan sa Daan, ng #SaveKidsLives, at sa kasalukuyan ng SAFE STEPS Road Safety.

Noong Marso 2010 at Abril 2014, siya ang kinatawan ng Malaysia sa UN General Assembly kung saan 100 pamahalaan ang nag-aproba sa panukala para sa Decade of Action, at naging tagapagsalita din siya sa Pangkagawarang Kumperensiya ng World Bank at Asia Development Bank.

“Handa na ang entablado. Bukas na ang mga ilaw. Handa na ang kamera. At sabi nga sa aking mundo, panahon na para sa aksyon.”

“Sa pagsasama natin, magkakaroon tayo ng kaalaman at mga panangga pangkaligtasan sa daan upang makapagligtas ng limang milyong buhay.”

Sa mga personal na paglalakbay ni Michelle sa mundo nasaksihan niya rin ang nakatatakot na epekto ng panganib sa buhay ng mga tao.

“Nakita ko ang epekto ng pinakamaliliit na pagbabago sa kaligtasan sa daan – at mga inisyatiba sa maliliit na daan – ay maaaring makapagbago sa buhay ng mga tao. Ang mga ito ay hindi sobrang mahal. Hindi rin ito nangangailangan ng mahabang panahon upang mapag-aralan. Ngunit sa mga ito makikinabang tayong lahat – sa bawat bansa – para sa mga buhay na naligtas nito, at sa naiwasang mga trahedya at kalungkutan.”